مقدمه :
توركلرين ان قديم افسانه لري گچن يازيميزدا گوردوغونوز كيمين آي – آتام يا خيلقت افسانه سيله باشلير و بوزقورد افسانه سيله تورك سويونون ينيدن تورليشمه سي ايله دوام ادير. بوزقورد افسانه سينين آردينداندا ارگنه كون افسانه سي گلير. يالنيز بوني دمليم كي بوتون بو افسانه لر اورخون متنلريندن چين ديلينه ترجمه ادليب و يازيليب لار و البته كي چين ديلي و كولتورونه اويغونلاشيبلار. سونرا بو كيتابلار آيري ديللر او جمله دن توركجه و فارسجايا ترجمه اديليب و بو گونه گليب چيخيبلار.بونودا دمليم كي بو افسانه لر ميتيولوژيك ده يرلر داشيير.گچن افسانه ده گوردوغوموز كيمين ماغارا موتيفي هون كولتورونه باغليدير. و افسانه ده ديگر موتيف يعني باتاقليق هم هون و هم مجار موتيفلريله باغليدير.
بوزقورد افسانه سينين خلاصه سي:
. . . توركلرين ايلك آتالاري غرب دنيزينين غرب ساحيلينده اوتوروردولار. لين اولكه سينين اردولاري طرفيندن اودوزمايا اوغراديلار. دوشمان چريلري(عسگرلري)بوتون توركلري كيشي قادين دمدن اولدوردولر. بوبويوك و مرحمتسيز قييمدا يالنيز 10ياشيندا بير اوغلان اوشاغي ساغ قالدي. دوشمان بو اوغلانيدا تاپدي آمما بو سون تورك داها چوخ آغريلار ايچينده اولسون ديه اللرين و قيچلارين كسرك بير باتاقليقا آتديلار. دوشمان حوكمداري سون توركي اولدورمديك لرين اورگندي ، در حال بويوروق (فرمان)وردي كي سون توركو ده اولسون و تورك لرين سويي يردن قازينسين . دوشمان چريلري يولا چيخديلار ، آمما بير ديشي بوز قورد اوشاغي تاپيب و پيسريندن ديشلري قالديريب قاچيردي . آلتاي داغلاريندا قوردون ايزي ايتدي. قورد اوشاغي بير ماغارايا آپاردي(آتا ماغاراسي).ماغارانين دورد بيرياني سرت داغلارلا چويريلميشدي. بوزقورد بوردا اوشاغين يارالارين يالييب و تيمارلادي . ياواش ياواش يارالار ياخچيلاشدي.قورد اوغلاني اوو اتي له بسلدي . سونوندا اوغلان ارگنليك چاغيننان يتيشكينليگه گيريب قوردنان چيفلشدي . بو ائوليليك دن 10 اوشاق تورندي . اوغلانلار قيزلارلا ائولنديلر و توركلر چوخالمايا باشلاديلارو اطرافا ياييلديلار. اردولار قوروب لين اولكه سينه هجوم اتديلر. آتالارينين قيساسين آلديلاريني بير دولت قوردولار.ترك حكمدارلاري آتالاري حورمتينه اولرينين قارشيسيندا هميشه قورد باشلي بايراق دالغالاديلار. . .
گلن يازيميزدا ارگنه كون دستانين اوزتليه جيم .
اورمولو تايماز
هیچ نظری موجود نیست:
ارسال یک نظر