ايچيميزده كي خيانت

بيز آزه ربايجان خالقي اولاراق اوزوموزه فخر اتملييك كي دونيانين ان قديم خالقلاريندان بيرييك ، من تانيميرام بير خالقي كي بيزجه داغينا توپراقينا شعر ، ماهني ، سوز و منظومه يازسين ؛ هچ ميلتي تانيميرام بيزجه اوز ئولكه سينه ياشاسين سلوقاني آتسين و سايره و سايره . آمما اوزوموزجه ده ايچينده بو قدر خايين بارينديران بير ميللت ده تانيميرام ! بيلميرم بو نه فيكيردي يا داها دوغروسو بو نه فيكيرسيزليك دير كي بيزيم ايچيميزده ياشير. من اورمو شهرينده بير چوخ ارمني ، كورد و جيلو عايله لر تانيرام آمما هچ بيريسي اوز اوشاقلارينان فارسجا يا توركجه دانيشمير. بير ياريمچيليق كورد دولتجيليقي عيراقدا يارانيب بوتون كوردلره صاحيب چيخيب ، چشيتلي كورد پارتيلره ايراندا ، سوريه ده و توركيه ده مالي يارديم ساغلير. بيري ايراندا زيندانا دوشنده دوروب گليب ايران حكومتينه باسقين ياپيللار كي اوز سوي داشلاري راحات اتسين آمما بونجا تورك دولتي دونيادا اولاراق بيريسي حتي مخاليف پارتيلاري ايران ، عيراق ،‌افغانيستان و سوريه تورك لرينه ياريمچيليقدااولسون صاحاب چيخميللار! من كوردلرين ايچينده يا فارسلارين ايچينده يا جيلولاردا بير دنه احمد كسروي ،‌شيخ الاسلامي ، دكتر افشار ، شاملو و.. و... و ... تانيميرام . بيردنه فارس يازاري تاريخين ان قديم گونوندن بو گونه كيمين تانيميرام كي مثلاً بيز تورك لري ساوونا. آمما باخين گورون اله بو گچميش يوز ايلده مصدقيندن توتوب گل بو گونه كيمين بو قدر دولت ماموري ، مجليس وكيلي ،وزير ، نخست وزير ، والي ، مدير كل ،  تا... پاسيبان ، قاپيجي و.. و.. و.. كي اوزوموزدندي ؛ آمما مين دوشماندان بيزه بتردي. اينديده مثلاً آزه ربايجان چيلار چيخيبلاركي دييلر نه اولار ايستيقلال آلاق عوضينده اورمو و باتي آزهربايجاني ورك گدسين!!! بو آداملار چيخيللار تيراختور موسابيقه سينده بژي كوردوستان پارچاسي چيخارديللار!!! او بيريلري گديرلر فيرنگيستاندا اعلاميه وريللر و قارنا سويقيريمي اعلان اديب كورد شهيدلرينه آغليرلار!!! بو نه خيانت ، بو نه سفاهت ، بو نه رزيلليكدير بيزي بورويوب . بو نه خسته ليكدير جانيميزدان چيخمير. بابا ! ياددان چيخاتمياق ؛ اله بو سون اوتوز ايلده نه قدر آزه ربايجانلي سولچي ناخوش قروپلارين تله سينه دوشوب كوردلره يارديم اديب و كوردوستاندا آزه ربايجانلي عسگرلرين اولومونده شريك اولدولار . بو نه يامان ياسدي ؛ بو نه يامان موصيبتدي كي توركي تورك الينن قيريرلار. بو رزالت اله شاه اسماعيل دان ، سولطان بايزيد دن توتوب بو گونه كيمين گليب چاتيب . بو خسته ليگي كيم درمان ادجك ؟ نه زامان بيز بو خسته ليك دن قورتولاجاييق ؟ بيزيم عاليملريميز خصوصاً سوسيو پسيكولوگ (روانشناسان اجتماعي)لار چوخ چاليشيب و بو خسته ليگي اونجه توم زاويه لريله تانيديب و سونرا اونون درمانينا عيلمي يوللار گوسترسينلر. بيز بو ايچيميزدكي چوروك آلمالاردان آرينمايينجا چوخ زورلانيب و آجي چكه جييك. بعضي مصلحت لر ايجازه ورمير اينسان هر شيي ديه و مجبوراً سوزي بوردا كسيب و بيتيريرم ، آمما او تورپاق وريب ايستيقلال آلانلار و كوردله قول قولا وريب اعلاميه ورنلره دييرم : احتياط لي اولوب و خالقيميزين قضبيندن قورخون !