آي – آتام افسانه سي ، مملوك لار زامانيندا ميصير دا ياشاميش اولان تورك تاريخچيسي آيبك دواداري نين ورديغي بيلگيره گوره بو افسانه ، خالق ديليندن يازي قيدينه آلان ايلك آدام اولوغ خان آتا بيتكيچي آدلي بير اسكي تورك بيلگينيدير. بو افسانه چينده بير كيتاب دا اله گچيب و بير تاريخچي ايرانلي(ايران توركي )جيرائيل بختسوي يا بختور آديندا شخص طرفيندن فارسجايا ترجمه اديليب. آي آتام افسانه سي اصلينده خلقتين افسانه سيدير. اينسانين ياراديشيليغي دورد عنصوردن :( سو ، آتش ، تورپاق و يل) دندير. بو افسانه قاراداغ آديندا اولان بير داغين آتا ماغاراسيندا باش توتور. بله نظره گلير بو دستان دورد عنصري اويغورلاردان آلينيبدير. ماغاردا البت هونلاردان قالان بير اتگيدير. چونكي هونلار ماغارالاردان بير تاپيناق (معبد)كيمي ايستيفاده ادرميشلر. بو موتيفلر بو افسانه ني بير تورك افسانه سي اولدوغون گوسترمكددير . آمما بو افسانه نين خلاصه سي بله دير:
. . . چوخ چوخ اسكي چاغلاردا. . .
چوخ ياغيشلار ياغدي . گوي دليميش كيمينيدي . دونيا سله بوغولدو . چومورلار (پالچيق لار)قاراداغداكي بير ماغارايا دولدولار.ماغارانين ايچينده قايالار واريدي. بو داشلارين ايچينده اينسان شكلينده ياريق لار واريدي و چومورلار بو بوشلوقلارا دولدولار.
آرادان چوخ زامانلار گچدي... …
گونش سرطان برجونا گلدي و هاوالار چوخ ايسيندي . ياريق لاردا كي پالچيقلار سولار ايله پيشدي . بو بوشلوق بير قادين كيميدي و قارني دااينسانلارا جان ورن بير قادين قارني كيميدي.
. . . دوققوز آي دورمادان يل اسدي . . .
سو ، آتش ، تورپاق و يل اينسانا جان ورمك اوچون بيرلشدي . دوققوز آي سونرا اورتايا بير اينسان چيخدي . آدينا آي – آتام دديلر. آي- آتام داغدان يره يندي. اورانين سويو شيرين و هاواسي سريندي . سونرا ينه ياغمورلار ، سللر باشلادي . ماغارا ينيدن چومورلا دولدو. گونش بو كز سونبول برجوندا كي سيجاقليقيلا چومورلاري پيشيردي . بو كز بير خاتون ماغارادان اورتايا چيخدي . آدينا آي – وا دديلر.
آي – آتام ايله آي – وا ائولنديلر . قيرخ دانه اوشاقلاري اولدو . بونلارين ياريسي اوغلان(اركه) ياريسي قيز(ديشي) اولدو. بير زامان اولدو آي – آتام ايله آي – وا خاتونون عومري دولدو . اولدولر . اوشاقلار آتا آناني ما غارادا دفن الديلر . ماغارانين قاپيسين قيزيل قاپيلارلا باغلاديلار و دورد طرفي چيچك لرله سوس له ديلر . . .
هیچ نظری موجود نیست:
ارسال یک نظر