یکشنبه، اسفند ۱۶، ۱۳۸۸

نوروز عادتلري


خالقين حياتيندا ، معيشتينده چوخلو بايراملار اولسادا ، اونلارين بيري داها مشهور ، داها سويملي اولور. آذربايجان دا اله ليكله كچيرديي بله بير بايرام نوروز بايراميدير.
گونش دونيانين جنوب ياريم كورسيندن شيمالي ياريم كورسينه گچديي واخت گجه ايله گوندوز برابرلشير....بو واخت قيش قورتارير، ياز فصلي باشلير. اله نوروز بايراميدا بو گونده كچيريلير. دمه لي ، نوروز بايرامي اسلينده يازين ، باهارين ايلك گونو ، طبيعتين جانلانماسي ، تورپاقين اويانماسي بايراميدير. آداملار نوروز بايرامينين پشوازينا چيخارلار. اونب نغميله قارشيلارلار:
نوروز ، نوروز باهارا
گولر ، گولر نوبارا
باغچاميزدا گول اولسون
باهار گلدي ، باهار گلدي ، خوش گلدي
خسته گونول اونو گورجه ديرچلدي

اكينجي محصول اكجيي تورپاقين شوخومونا باش باشلايير . باغبان مئيوه آغاجلارين قورو بوداغلارينني كسيب آتير. اوشاقلار نوروز گولو ، قارچيچيي اوچون مشه لره اوز توتورلار. ال اوبا هر آييله ده نوروز بايرامين گلمه سينه آز بير آي قالميش حاضيرليق آپارير . حيات پاچا سوپورولوپ تميزلنير.هامي اوچون تزه پالتار تيكمه يه جهد گوستريلير.
آخير چرشنبه ده حيتلرده تونقال يانديريلير. تونقالين اوستوندن هوپپانيب كوهنه ايلين آزار – بزاري دا ياندريلير . اودون اوستوندن هوپپانانلار نغمه لر اوخورلار:

آغيرليغيم – اوغورلوغوم اوتلارا
يازدا منله هوپپانمايان يادلارا

و

آغريم اوغروم توكولسون
اودا دوشوب كول اولسون
يانسين آلوو ساچيلسين
منيم بختيم آچيلسين
نوروز بايراميندا قولاق فالينادا چيخماق عادتيده وار . آخير چرشنبه گچه سي قارانليق دوشندن سونرا نييت توتوب قونشولارين دانيشيقلارينا قولاق آسماق گركير . اودور كي ، نوروز بايراملاري و آخير چرشنبه لر ائولرده كونول آچان اوميد ورن صحبتلر دانيشيلماليدير . ان چوخ ياييلميش عادت لردن بيللي بيللي يا قورشاق (شال)ساللاماقدير. داها چوخ اوشاقلار ، جوانلار ائولرين قاپيسن چاليب اوزلري تانينماسين ديه ياشماق توتولموش حالدا چالارلا و يا كتلده پاجالاردان شال ساللارلار. ائو ييه سيده ميئودن ، شب چره دن ، بويانميش يومورتا و بنزري شيلردن پاي ورر.


بايراميدي گجه قوشو اوخوردو
آداخلي قيز بي جورابين توخوردو
هركس شالين بير باجادان سوخوردو
آي نه گوزل قايدادي شال ساللاماق
بي شالينا بايرامليقي باغلاماق

نوروز بايرامي سوفراسيندا جور به جور خوره لر ، چرز (آجيل) ، شيرنيات دوزولور . سمني ، گول چيچك ، گوزگو (آينا) ، سو ، قيزيل اشيالار قويولور . ائودكيلرين هر بيرينين آدينا شام يانديريلير . ايناما گوره نوروز بايرامي آخشاميندا هركس گرك اوز ائوينده اولسون . همده هامي درد- غمي اونودوب شن اوقاتلي اولماليديلار. اوندا آدامين گلجك ايلي اله بله اوتر.
هركس تزه پالتار گييب بير بيرينين ائوينه گوروشه گدرلر . بويوك لر چيچيكلره بايرامليق وررلر. هركس بير بيرينه هديه لر ورر.  نوروز بايراميندا كين – كدورت اونوتولماليدي . هچ كس گرك بير بيريله كوسولو قالماسين . نوروز بايرامي ياددا بوللوق ، خيري بركت ، خير خاهليق و گوزلليك كيمي قالير.
اورمولو تايماز

هیچ نظری موجود نیست: