تقديم اديرم آتامين بويوك روحونا

ظاليم فلك بايرامين دوردونجي گونو 1385نجي ايلينده آتا ميزي بيزدن آييردي. من اوندا قيسا بير گزميه چيخميشديم و اورمودا دييلديم . اوگون سحر چاغي تزدن آنام زنگ اديب و بيزي اورمويا چاغيردي (ذاتا بيز اوگون دونميي پلانلاميشديك .) من شمالدان ديرك اورمويا دورمادان ماشين سوروب و ناهاردان سونرا اوزومو ائوه يتيرديم ، اوگون منيم اوچون ان چتين و آجي گونويديكي تجربه اديب ياشاميشام . چوخ تاسف كي دورد اوغول و بير قيزدان هچ بيري آتامين يانيندا اولمادي و آتام اوشاقلاريندان آيري ،دونياسين دييشدي . بو حسرت اولنه كيمين منده ياشياجاقدير.آمما بير شي واركي مني تسلي ادير و اودا بودوركي من نچه ايل آتام اولمه ميشدن اونجه اونون نه قدر بويوك روحا صاحيب اولماسين و نه قدر بويوك بير اينسان اولماسين آنناديم و سون اون ايلينده ان ياخين روح ايلتيشيمي بيزيم آراميزدا قورولدو و ظن اديرم كي آتامدا چوخ بوننان راضيدي . من آتامين ان كيچيك اوغلويدوم و تكجه اولاديديم كي اورمودا قالميشديم و چوخ تاسف كي مندن سونرا اوبيري اولادلاري قبيري اوسته حاضير اولا بيلميللر. آتام رحمتليك چوخ مردم دار و اخلاقي ياخشي بير اينسانيدي ، هركسنن اوز ديليله دانيشاردي ؛ چوخ غيرتلي و ايشلين و دروست بير اينسانيدي . ساعات كيمين وقت شيناس و دقيق بير شخصيدي . تاريخ اوخويوب و هر زامان جيلولوق ؛ كوردلوق و پيشه وري دوروندن منه دانيشاردي؛ كسگين و چوخ گوزل خطي واريدي . چوخ باريز خصوصيتي درلي توپلي اولماسيدي اله كي ياديما گلمير بير شي ايتيريب و يا بير سندي ايمحا اتميش اولا. واقعي بير يورد سور و آزربايجان فرهنگينه باغلي بير اينسانيدي؛ تويلاردا گوزل آزربايجان رقصي ادردي و گوزل سسي واريدي هرچند ايتيم آلماييب و گنيش لنديرمه ميشدي آمما عايلوي مجليسلرده اوخوياردي. ائل ايچينده سويلن بير كيمسيدي . بويوك توتما مراسيمينده گليب گدنين چوخ اولدوغون گورن داييم اييليب قولاغيما ددي : آتاييزين عظمتين گوردونوز مي ؟ كي منده باشيمنان جواب ورديم كي بلي !چون آغلاماق آمان ورمه ديكي ديليمنن جواب ورم . طيبقي بو آن كي بو سطيرلري يازيب و نارين نارين آغليرام . منيم آتام چورك ورن كيشيدي ، گوزل لرين آخيرا قالميشيدي. 

گئتمیسن سن قالمیشیق غمده آتا

قویموسان بیزلری ماتمده آتا

نه قدر یاخجیلیغیندان دئسم آزدی

یوخ سنه تای بوتون عالمده آتا

آتا جان آلدی الیمدن سنی ظالیم بو فلک

گؤز یاشیم سئل تک آخیر دوزموری هیجرانه اورک

بیلمه دیم قدرینی من دونیادا اولدوقجا سنین

ایندی حسرتله دوزم آیریلیقا منده گرک

************************

آتا

آتانین مقامی بؤیوک دور دوستلار

آتا سؤزونونمو وار قانانی

آتاسیز دونیادا نه دولت نه وار

آتادیر اولادین داماردا قانی

اولاد دوشن کیمی بیر آنلیق دارا

آرخادیر ، دایاقدیر کمکدیر آتا

بو سؤزو سیزلره دئییم آشکارا

هر آندا اولادا آیاقدیر آتا

آتاسیز نینیرم من بو حیاتی

هئچ نه گؤرسنمه ییر منیم گؤزومه

آتاسیز نینیرم قوروب تویو بساطی

هردن دوشونه رک اوزوم اؤزومه

نه قدر کی آتا ساغدیر دونیادا

ائوینه گله نین گئده نین چوخدور

واخت گله ر آتادا کوچر توپراغا

گؤره رسن یانیندا هئچ کیمین یوخدور

 ATA
Atanın məqamı böyükdür dostlar

Ata sözününmü var qananı
Atasız dunyada nə dövlət nə var
Atadır ovladın damarda qanı

Ovlad düşən kimi bir anıq dara
Arxadır,dayaqdır ,köməkdir ata
Bu sözü sizlərə deyim aşkara
Hər anda ovlada ayaqdır ata

Atasız neynəyirəm mən bu həyatı
Heç nə görsənməyir mənim gözümə
Atasız neynəyirəm qurub toyu bəsati
Hərdən düşünərək özüm özümə

Nə qədər ki,ata sağdır həyatda
Evinə gələnin,gedənin çoxdur
Vaxt gələr atada köçər torpağa
Görərsən yanında heç kimin yoxdur

بونو حتماً اوخويون:

چوخ عزيز و سايقي دير ناديده دوستوم جناب الچين بله يازير:

يئري گلميشكن بوردا توركيه نين بؤيوك اوزاني رحمتليك محزوني شريف دن بير خاطيره يازماق ايسته ييرم.
محزوني شريفين يولداشلارينين بيري يازيير: بير گون محزوني بيزه قوناق گلدي بيله سينه دئديم:
اوزانيم ، سيز قوناقسينيز بويورون يوخاريدا اگله شين، اوتورون .
آشيق گولومسه يه رك دئدي:
- اوغلوم سيز بويورون يوخاريدا اگله شين ، سيز قوناق سينيز . سيز بو دونيادان كوچوب گئده جكسينيز آما بيز اؤلسكده بئله يئنه بو دونيادا قالاجاغيق .
تايماز قارداشيم ، رحمتليك محزوني دوز سؤيله ميش بؤيوك اينسانلار هئچ واخت اؤلمه ييب اؤلمه يه جكلر.