يئني بير جغرافيا
بیر دایاز گول
بیر آلچاق تپه
بیر ثمرسیز آغاج ؛ بوتاقلاریندا قارقا یوواسی
تیکان کول لاري؛ دیبینده زهرلی ایلانلار کوک سالمیش
بو رسمی پؤزمالی یام
پنجره می آچیب،
باتیا، دوغویا باخیب،
اؤزومه؛
یئنی بیر جغرافیا یازمالی یام.
بیر دنیز چکمه لی یم؛ اوجسوز بوجاقسیز
اؤزرینده یئب یئکه گمی لر گئدیب گلمه ده
بیر اوجا داغ هورمه لی یم
باشی گؤی لره دایانمیش
باشیندا قارتال لار قاناد چالمادا
اته گینده چایلار جوشوب آخمادا
و یام یاشیل آغاجلار
اورمان کیمی هر یانی بورویوب آلتنا آلمادا
***
تاریخیمی ده یئنی دن یازمالی یام
یئنی آبده لر
درین دوشونجه لره عاید نئچه یاراشیق لی تنديس
انسانا اویقون بیر تانری
بیر تازه نفس رسول، آغزیندا یئنی موشتولوق
و آرا- سیرا نئچه جانلی حادثه
بیر ظفر قازانمالی یام
یئنی بیر تاریخ یازمالی یام.
ارشد محمدی ( آخشام)-اورمیه-آذربایجان
هیچ نظری موجود نیست:
ارسال یک نظر