بو گون خورداد آيينين 20نجي گونو 1126هجري (10ژوئن 1747م) خوراسانين فتح آباد بولگه سينده اولان موراد تپه ده ، شاهي خيمه سينده اولدورولدو. نادير شاهين قاتيلي تاريخده اورمولو محمد قولو خان افشار قاسيملو قيئد اولونوبدور. بير ايل بو تاريخدن اونجه موصول ساواشيندان سونراغربي آزه ربايجان ويلايتينده اولان سايين قالايا گلير و اوردا محمد كريمخان( اورمو واليسي) ، مجيد مومن خان (سايين قالا حاكيمي) و بهرام خان ارشلو(عسگري سردارلاردان)نو ديوانه چكيب و گوزلرينه ميل سوروب و كور ائدير. سونرا فتحعلي خان افشار چرخچي باشيني اورمو ويلايتينين واليسي اعلان ادير .
بو پورتره شاهين اوزوندن چكيبلر و لندن شهرينده ويكتوريا موزه سينده ساخلانيلير
بير باشقا روايتده محمد كريمخانين كور اديلمه سي به له ريوايت اولوبدور كي نادير شاه اورمونون گوي تپه كندينده يرلشيب و تميزلنمك اوچون بازار ايچينده اولان قره جه حامامينا گدير. اوردا بير يالنيش آنلاشيلما دان چيخان حضورسوزلوق اثرينده كي اورمو واليسينين نوكرلرينين حاضير اول سسلريندن يارانيلير ، محمد كريمخانين كور ائديلمه سينه امر ائدير. سونرا شاه بو عمليندن پشمان اولوب محمد كريمخاني اوشنو واليسي تعيين ائدير و بير ايل سونرا بو شخص او شهرده وفات ادير. بير ايل بو آجي واقيعه دن سونرا نادير شاه خوراساندا محمد كريمخانين باجيسي اوغلو محمد قولو خان افشار( قاسيملو) طرفيندن قتله يتيشيلير.
نادير شاه كي اصلا افشار ائلينين قرخلو طايفاسيندان (مراغا اطرافيندان) ايدي خوراسانين درگز شهرينده 1066هجريده آنا دان اولدو. 1114هجري ايلينده آزربايجانين موغان دشتينده شاهليق اعلان اديب و 12ايل حكومت اتدي .اوندان اولان افشاريه سولاله سي 60ايل بللي بولگه لرده حكومت سوردولر. نادير شاه صفويه سولاله سينين شاهليقينا سون وريبدير. دمك اولاركي بو بويوك سردارين 12ايل شاه ليقي بوتون ساواشلاردا گچيب دير. عوثمانلي و روس دوئولتلريله ساواشيب و بير چوخ ايشغال اولونموش شهرلري ينيدن گري آلمايا ناييل اولموشدور .
نادير شاهين شاهليق تختي(ايستانبول توپقاپي سارايي)
همچنين نادير شاه هيند ياريم آداسينا ايكي كز اوردو چكيب و اونملي ظفرلر و همچنين خزينه لر اله گچيرميشدير كي دونيا نين ايكي ان بويوك آلماس داشلاري كوه نور و درياي نور برليانت لارين اوردان غنيمت گتيرميشدير.
كوه نور برليلنتي
چوخ تاسف كي شاه ليقينين سون اوچ ايلينده ديكتاتورلوقا اوز گتيريب و بير چوخ سردار و سياسي اينسانين او جومله دن حتي اوز اوغلونون كور ائديلمه سينه فرمان وردي كي سونوندا بو پيس عمللر اوز اتگينده توتوب و اوز سردارلاري طرفيندن قتله يتشدي. بير آجي گرچك بودور كي نادير شاه دا ، صفويه دوئولتي كيمين تورك سولاله لري اولان عوثمانليلار و هيند تورك ايمپرياسي گوركاني (امير تيمورون نوه لري) ايله قانلي ساواشلارا گچدي.
نادير شاهين مشهدشهرينده اولان مزاري
آرتيق بيلگيلر اوچون بو لينكلره باش وورا بيلر سينيز:
و
حاضيرلايان:اورمولو تايماز- اورميه 20خرداد1389 www.urmulutaymaz.blogspot.com
هیچ نظری موجود نیست:
ارسال یک نظر