اورمونون همن سالماس طرفيندن گيريشينده كوچوك آمما بيرشيرين پارك وار . بو پارك اورمونون ان قديم پاركيدي و آدين بير بويوك ساعات دان كي بو پارك دا قورولموشدو آلير. اينقيلابدان سونرا بلديه بو ساعاتي ايهمال اديب و بو گون بو ساعاتدان اثر گوزوكمير . بو پاركين همن ياني باشيندا موجسسمه ميداني وار. بو ميدان دا ، آدين گچميش رژيمده محمد ريضا شاهين موجسمه (هيكليندن) كي بو ميداندا قورولموشدو آلير. طبيعي اينقيلابدان سونرا بو هيكلي خالق يره چكدي. پاركين ايچينده بير ده اوشاقلار اوچون بير كيتاب ائوي وار كي كانون پرورش فكري كودكان و نوجوانان قورومونا باغليدير. آمما ايلگينج اولان بو كي بو كيتاب ائوينين جيواريندا ايكي قبير سس سيز سمير سيز ايللردير كي سكوت ايچينده ايكي شهيدين ابدي ائوي اولوبلار. بونلارين بيري روتبلي بير عسگر و اوبوري رتبه سي بللي اولميان بير كيمسه يه عايددير. شهادت تاريخي 1323 بهمن آيينين 11نجي گونو گجين كندينده قيد اولونوبدور. باشقا بير معلومات دا وريلمييب . منيم تدقيداتيمدا ، چشيتلي منبع لردن آيدينليق گتيرن اولمادي ، يالنيزجا او تاريخي و او گون كي اولايلاري گوزدن گچيرسك بويوك ايحتيمال لا بو ايكي اينسان ، كورد تالانچيلارلا چاتيشمادا جان لارين وره بيلرلر . يادا روس ايشغالچيلاري لا بير چاتيشمادا عزيز جانلارين ورميش اولا بيلرلر.
ساعات پاركيندان بير منظره
ساعاتين بوش يئري
اوشاق كيتاب ائوي - سولدا و يرده ايكي مزار گوروشو
روتبه سي بللي اولميان شهيد- قاسيم حلبي ساز
شهيدهدايت الله خان مافي(سرهنگ)
تانري بوتون شهيدلريميزه رحمت ايله سين.
۲ نظر:
səlam dostum
azərbaycana veən dəğərindən çox sevindim və bir daha inandım ki biz çoxuq və tək qalmiyacağıq
sayın dostum!!
mən sənin adresin öz səyfəmə link elədim
əğər sənədə musaidsə məzi link elə
sağol qardaşım
adresimi unutdum
ارسال یک نظر