شنبه ۱۶ مرداد ۱٣٨۹ - ۷ اوت ۲۰۱۰
بؤلگه نین تاریخی
بو بولگه نین تاریخی هوری لره و یا هورری لره قاییدیر . بو بولگه ده قورولموش ایلک دولتلردن هوری دولتین آد آپارا بیله ریک. الده ائدیلن بلگه لر اساسیندا دئمک اولار کی هوری لرین دیللری التصاقی دیللردن ایمیش. و میلاددان اؤنجه اوچونجو و ایکینجی مین ایللیکلرده آذربایجانین داغلیق بولگه لریندن بورا گلمیشلردیر. اونلار اورمو گؤلونون باتی و گونئی باتی سیندا یئرآلمیشلاردیر و گلیشمیش بیر تکنولوژی یه صاحیب ایمیشلر. ژ.ق ماسکن هوری لرین سوی لاری حاققیندا بئله یازیر.
"زمیری لیم دؤنمینده(1800م.ق) بین النهرین ین قوزئی باتی سیندا سوریا و حلب حکمدارلاری بابیل حؤکومت ایله یاخشی مناسیبتلری واریدی. آنجاق فرات چایینین دوغوسوندا هوریلر آدلانان یئنی موهاجیرلر گئنیش یاییلیب نوفوذ ائتمیشلر. اونلار داغلیق بولگه لردن کی ایندی آذربایجان آدلانیر اورایا گلمیشلر.بو قوم (هوری لر) نه سامی و نه ده هندو اوروپایی ایدیلر"
یوخاریدا قئد ائتدیگیمیز کیمی هوری لرین دیلی التصاقی ایدی و گوتی لر و لولوبی لر و هابئله اورارتولارین دیللرینه بنزه ییرمیش و دیللری بیر قروپ دا یعنی التصاقی دیللر قروپوندا یئرلشیرمیشلر. تورک دیلی التصاقی دیللردن ساییلیر عئینی حالدا ایران دا اولان دیللرین هئچ بیریسی التصاقی دیللردن دئییلدیر و کورد لرین و فارسلارین دیللری بیر کؤکدن اولاراق هئچ بیریسی التصاقی دیللردن دئییلدیر. اما هوری لرین دیللرینین قایدالاری بوگون کی چاغداش تورک دیللرینین قایدالاری لا توتوشدورولاندا بو دیللرین گرامر یؤنوندن بیر و چوخ بنزردیرلر. بونا بیر اؤرنک ده گتیره بیله ریک هوری لرین دیلینده اولان "دا" و یا "دان" پسوندلری(اکلری) عئینی حالدا بیزیم چاغداش آذربایجان دلینده ده قوللانیلیر آنجاق آذربایجان تورک دیلینین سس لرین قایداسی اساسیندا قالین و اینجه سسلی سوزجوکلرده سیرایلا "دا" و "دان"و "ده" و "دن" اکلری ده آرتیریلیبدیر. وان و اورمو گؤللرینین آراسیندا اولان اراضی هوریلرین دینجلیک و یاشاییش بؤلگه سی ایمیش.
آذربایجانین باشقا دولت لریندن کاسی لری ، لولوبی لر و گوتی لری ده سایابیله ریک. کاسی لر آسیالی قوم لاردان ایمیشلار و دیللری آگلوتیناتیو یعنی التصاقی ایمیش. بو اوزدن کاسی لرین دیللری اؤز قوزئی لی قونشولارینین دیللری یعنی لولوبی و گوتی ایله چوخ یاخین و شباهتلی ایدیر. بو دیللرین بیر بیرلرینه بنزمه لری او قوم لارین بیر سوی و بیر کوکدن اولدوقلارینین ندنی و سببی ده حسابا گله بیلر. بو آنلامدا کی بونلارین کوکو و سویو سومرلره و یا ایلاملارا حصر اولورموش . آذربایجان دا قورولموش بوتون دولتلرین دیللری تورک دیلی کیمی التصاقی و حتی چاغداش تورکجه دیللری ایله یاخینلیغی و بنزه تیمی واردیر. آشاغیدا بو حاقدا بیر نئچه اؤرنک گتیرمه یه چالیشیریق.
| اسکی دیللر | چاعداش تورکجه |
| 1. آنا ایلام دیلینده. آما سومر دیلینده | آنا "آذربایجان تورکجه سی" |
| 2. اوش ماننا و سومر دیللرینده | اوچ(سایی) "آذربایجان تورکجه سی" |
| 3. قایا ماننا دیلینده | قایا "آذربایجان تورکجه سی" |
| 4. آتا ایلام دیلینده و آدا سومر دیلینده | آتا " آذربایجان تورکجه سی" |
| 5. آغار سومر دیلینده | آغیر آذربایجان تورکجه سی |
سومر لرین واریث لری و سومر لرین کوکوندن اولان آذربایجان تورکلری اسکی دن آذربایجانین ساکین لری و صاحیب لری اولموشلار و بونو تاریخ علمی ثبوت ائدیر. حالبوکی دوشمنلریمیز و توپراق لاریمیزا مالکیت ایددیا ائدن کورد و ائرمنی لر هئچ بیر تاریخی فاکتا اساسلانابیلمیرلر. بوردا ایسته ییریک بیر باشقا تاریخی گرچگه دایانیب آذربایجانی و اؤزللیک له باتی آذربایجان توپراقلارینین اسکی دن تورکلر اولدوقلارینی ایثبات ائدک.
بو بؤلگه سومر داش یازینتیلاریندا "ارتته" و یا "آراتتا" آدیلا قئید اولونور. ارتته یوردو قیمتلی داشلار و طبیعی ثروتلردن بول اولاراق بونون اوچون اوروک شاهلارینین دیله یی همیشه بو یوردا غالیب گلیب اورانی ایشغال ائتمگیدیر.
طبیعی ثروتلردن علاوه یوخاریدا قئید اولونان کیمی بو بؤلگه گلیشمیش تکنولوژی یه صاحیب اولاراق حربی آلتلر و باشقا صنعتی آلتلر دوزنله مک ده ماهیر اوستادلار و گلیشمیش تکنیک لری وارایمیش. بوحاقدا پروفسور لئو اوپنهایم یازیر کی: "لوکال باندا حماسه سینه دیققت گوسترنده معلوم اولور کی ارتته یوردو اوچ میلاد دان قاباق اوچ مین ایللیگینده تکنولوژی یؤنوندن سومردن گلیشمیش و داها ایکیشاف ائتمیش ایدیر. بونون اوچون سومر شاه لاری کانی لردن علاوه اورانین اوستادلاریندا اوروک شهرینه آپاریردیلار."
بو تاریخی و قوتلو یوردون بیر باشقا اؤزللیکلریندن زردوشت ائلچی سینین بو یورددا ظهور ائتمه سیدیر. بیر سیرا زردوشتون آذربایجانلی اولماسینا شوبهه یاراداراق اونو باشقا یئرلی تانیتدیرماق ایسته ییرلر کی بو دا یانلیش دیر. اوستا زردوشتون کیتابی التصاقی دیلده یازیلمیشدیر. حالبوکی آریان لارین دیللری التصاقی دیل دئییلمیش. آنجاق بیر باشقا سؤزله دیه بیله ریک کی هر دینی کیتاب او یورد و بؤلگه و او یئرین یاشادیغی اینسان لار اوچون یازیلار. نئجه کی قورآن کیتابیدا عرب لر یاشادیغی بؤلگه یه نازیل اولماسی اوچون عربجه دیلینده یازیلمیشدیر و بوندان علاوه او بولگه نین اولایلاری و دورومو قورآن دا قئید اولونوبدور. حالبوکی اوستا کیتابینین دیلی التصاقی اولاراق اوندا یازیلان بوتون اولایلار و حادیثه لر همدان و اورمو اطرافیندا اولانلارا حصر اولونور. و طبیعی اولاراق گرکیر کی تانرینین ائلچی سی همن میللت دن و ائل دن و یازدیغی کیتابدا همن ائلین دیلی اولسون. نئجه کی بوتون پیغمبرلر و کیتابلاری بئله اولموشدورو.
قئید ائتدیکلریمیزدن بو سونوجا چاتماق اولار کی باتی آذربایجان بولگه سینده ایلک مدنییتلری بیز تورکلرین بابالاری و سومرلرین واریثلری اولموشدور. باتی آذربایجان تاریخ یؤنوندن بیر اؤنملی بولگه و آذربایجانین تاریخی اراضی سیندن دیر.
بؤلگه نین جوغرافییاسی ، یئر آلتی و یئراوستو ثروت لری
باتی آذربایجان بؤلگه سی باتی دان تورکییه جومهوریتی ، قوزئی دن آذربایجان جمهوریتی، دوغو و گونئی دوغودان گونئی آذربایجانین دوغو و زنگان بؤلگه لری، گونئی دن ایسه کوردوستانا قونشودور.
باتی آذربایجان بیر داغلیق بؤلگه دیر و چئشیدلی و گئنیش توپوگرافی یه مالیکدیر. اؤزل اکوسیستم لره مالیک اولان بو بؤلگه ده اؤنملی مئشه لر و مرتع لر وجودا گلیب لر. باتی آذربایجان اطلس اقیانوسو و مدیترانه دنیزینین هاوا آخیمینین یولوندادیر. اما قیشلاری قوزئی دن گلن سویوق هاوادان خاطیر چوخ سویوق اولور.
بو بؤلگه نی تورکییه و عیراقین سینیرلاری اوسته باشدان باشا بیر دیوارکیمی اوجالان داغلار آییریر و بو داغلارین اتگینده بیر چوخ بولاقلارین یئر اوزونه چیخماسینا ندن اولموشدور. بولگه نین 5 دنه معدنی سولاری واردیر: داغلاری و داغلیق رایونلارینین ساییسی 9 یاخیندیر. اما بو بؤلگه نین 8 چایی واردیر کی گادار،جغاتی، نازلی چای و زولا چای چای لارین سایا بیله ریک. بولگه نین مئشه لرینین مساحتی 320 هکتارا یئتیشیر. بو بولگه نین توپراغی اکینچیلیگه ان موناسیب یئرلردن دیر. بو بولگه نین معدنی ماده لرینی سایماق ایسته سک اونون تیکینتی مصالح و داشلاری، گرانیت، میکا، زرنیخ، تالک، تراورتن، قیزیل، یانماز تورپاق و پوکه سینه ایشاره ائده بیله ریک. بئله بیر زنگین طبیعی ثروتلره مالیک اولان بؤلگه یه البتته کی یوخسول یئرلره ساکین اولان کوردلره چکیجی و هوسلندیریجی دیر. کوردلر و تروریست قروپلارینین بو ثروتلی و اونملی استراتژیکی بیر بؤلکه یه صاحاب چیخمالاری چوخدا تعجب ائدیجی بیر مسئله دئییلدیر. کورد لر باتی آذربایجانین گونئی شهرلریندن یئر آلماقلارینا باخمایاراق ایددییا لاری نئچه شهره حصر اولونمور و بوتون باتی آذربایجانا تاماح گؤزو تیکمیشلر. اونلار ماکی یا قدر و اوندان سونرا حتی ناخچیوان بؤلگه سینه ده گؤز تیکیب بؤیوک کوردوستانا قاتماق ایسته ییرلر. یازیمیزین دوامیندا بؤیوک کوردوستان ایدییا سی حاققیندا گئنیش دانیشاجاغیق.
بیز آذربایجان توپراقلارینین اصیل مالیکلری اؤز توپراقلاریمیزین ماددی ثروتلرین تانیییب اؤیرنملی ییک. و بونو بیر کره بیلمه لییک کی تورپاغیمیز قیزیل دیر و تاریخین ایلکیندن ایندییه قدر بوتون سولاله لرین شاه لاری تکجه باتی آذربایجان یوخ بلکه بوتون آذربایجان اراضی سینه گؤز تیکمیشلر و اونو غصب ائتمکدن هئچ دورمادان بورا لشگر چکمیشلر و بو ندن دندیر کی بیزیم آذربایجان بئله بیر دورومدا یاشاییر .
کوردلرین بو بؤلگه یه کوچ ائتمه لری
کوردلرین بو بؤلگه یه کؤچمه لریندن اؤنجه بو سورغو آرایا چیخیر کی کورد لر نییه کؤچورلر؟ و نییه آذربایجانا کؤچورلر؟
کوردلر اؤز یاشادیقلاری بؤلگه ده ایقتیصادیات، کولتور، امنیت وباشقا یاخشی حیات گرکسینیم لریندن یوخسولدولار. کورد لر یاشادیغی بؤلگه نین ایقتیصادیاتی گئری قالمیش و یا ساخلانیلمیش بیر بولگه دیر. صنعت باخیمیندان داها گئری قالمیش بو بولگه نین ساکین لری آذربایجانین نیسبت یاخشی اولان شهرلرینه موهاجیرت ائتمگه اوز گتیریرلر. همچینین باتی آذربایجان تورکییه ایله قونشو اولدوغو اوچون کورد لر طرفیندن قاچاق ائتمگه اویقون گورونور. اما کولتور قونوسون اینجه لرکن کوردلرین قاپانلی بیر یاشاملاری اولدوغوندان کولتور جهتیندن اؤزلرین زامانلا ایره لیله مه ییبلر و سوننتی و سهو روسوملاریندا قالمیشلار. کولتورلرینه باغلی اولان تهلوکه سیزلیک ده یاشادیغی یئرلرده اویقون دئییلدیر زامان زامان طایفالار آراسیندا ایختیلافلار و نهایت قانلی چاتیشمالار یاشادیغی یئرلرین دوغال اولایلاریندان دیر. بونلارا دایاناراق کوردلر آذربایجان شهرلرین موناسیب گورمک له بو شهرلره کؤچورلر.
اما بیر جهتدن ده کورد تروریستی تشکیلاتلار بو اولای دان یاخشی یارارلانیب قادین لاری دونیایا چوخ اوشاق گتیرمه یه تهدید ائدیر لر بلکه کوردلرین بو بولگه لرده جمعییتینین آرتماسینا ندن اولسون. تهران حکومتی ده بو حاقدا چیرکین سیاست یئریدیر. کورد لره آراز چایینین یانیندا یئنی بیر شهر یاراتماق و اونلارا تیکینتی تیکدیرمکله ایسته ییر ایکی آذربایجان آراسیندا آیریلیق سالسین.
کورد لر ده ائرمنی لره تای آذربایجان توپراقلارینا گؤز تیکمیش و مالکیت ایددییا سی ایره لی سورورلر. بیز گونئی آذربایجان لی لاردا بیر داها تاریخی تکرار اولونماسینین اؤنون آلمالییق یوخسا خوجالی سویقیریمی بیرداها کوردلرین اللری ایله گونئی آذربایجانین شهرلرینده اوزتوتابیلر.
کوردلرین قیزیل آیپارا (بویوک کوردوستان) دیلکلرینده باتی آذربایجانا تاماهلاری
ایران کوردلرینین ایلک تشکیلاتلارینین آدی "کورد جانلاندیرما جمعیتی" فارسجا جمعیت احیای کرد، کوردجه کۆمه‌لهٔ ژیانه‌وهٔ کورد اولموشدور. سونرالار گونش 1324ایلنین مرداد آیینین 25ده سویوق بولاق (مهاباد) شهرینده بو تشکیلاتین آدی "کوردوستان دموکرات پارتیاسی" نا فارسجا حزب دموکرات کردستانا چئوریلدی. بو پارتیا 159 گون سونرا بو تشکیلات ایرانین دوروموندان فایدالاناراق سویوق بولاق شهرنیده جمهوریت اعلان ائتدی. سونرالار کورد وهم تاریخچی لر بو جومهوریتی مهاباد جومهوریتی آدلاندیردیلار. 11 آی دوام ائدن بو اؤزرک دولت ایران اوردوسو طرفیندن ییخیلاراق عومرو سونا چاتدی. ایران اوردوسو بو دولتین باشچی سی اولان قاضی محمدی و باشقا دولت آداملاریندان اولان حسن مازوچی کیمی لری شهرین مئیدانیندا داردان آسدیردی. بو پارتیا آرا سیرا فعالیتلری کسیلیب و یا یئنیدن باشلانیردی. دئملی بو پارتیا هئچ زامان ایراندان آیریلماق ایسته میردی و غالیب شوعاری "دموکراسی ایرانا اؤزرکلیک کوردوستانا" ایدی کی 13 اوجو کنگره سینده 2004 اونجو ایلده بو شوعاری "فدرال و دموکرات ایرانا" دئییشدی. همین دؤرلرده یعنی موصطافا هجری نین پارتیا باشچی لیغینا سئچیلن زامانلاردان بو پارتیا نین اویه لری و سوروملولاری باتی آذربایجان شهرلری کوردوستان یوردونون اراضی سیدیر دئمگه دوام وئردیلر. بئله لیکله بو اراضی ایدییالاری آذربایجانین باتی شهرلرینه باشلادی. سونرالار پ.ک.ک و پژاک کیمی تروریستی تشکیلاتلار آرایا چیخدیلار و پژاک لیدری عبدالرحمان حاجی احمدی بویوک کوردوستان اؤنریسین کورد دونیا سینا اؤنردی و حال حاضیرده بوتون کورد تروریستی تشکیلاتلاری بؤیوک کوردوستانی آماج کیمی باخماقدا و خیاللاریندا بسلمک ده دیرلر.
کورد سورونو بیر وازکئچیلمز گئرچکدیر کی اونا علمی باخیب و علمی صورتده حل ائتمگه چالیشمالیییق نییه کی حربی یانیت بیزیم هئچ نفعیمیزه دئییلدیر بو بؤلگه لر تورکلر یاشادیغی بولگه لریمیزدیر و بو حربی سئچیم باتی آذربایجانین شهرلرینه چکیلمه سیده گؤزله نیلن اولایلاردان اولابیلر . نهایت بو کی بو سئچیم وطنداشلاریمیزین قانلارینین تؤکولمه سینه سبب اولماغی مؤحتملدیر. باشقا یؤندن باخارساقدا کوردلرین حاضیر و سیلاحلی حربی چریکی گوجه مالیک اولماقلاری بیر اوزدن ده بیزی بو سئچیمدن وازگئچدیریر و بیزی علمی یوللارلا مسئله نی حل ائتمگه اوغراییر.
آمئریکانین بؤیوک اورتادوغو یاراتما سییاستینده باتی آذربایجان
اورتادوغو بؤلگه سی توپراغیندا اولان قاپسامسیز انرژی قایناقلارینا مالیک و دونیانین ان استراتژیک بولگه لریندن یا دا دئمک اولار ان استراتژیک بولگه سی دیر. باتی دونیاسینین ایقتیصادیاتینین گلیشمه یه دوغرو دوام ائتمک اوچون بئله بیر انرژی لر قایناغی اولان بولگه یه نوفوذ ائتمگه هر زامان چابا گوسترمیشلر. کئچمیشده اینگیلتره و ایندی ایسه آمئریکا بو بولگه موطلق نوفوذا صاحیب اولماق ایسته میشدیلر. طبیعی دیر کی اورتا دوغو اولکه لرین حال حاظیرده اولان اولکه لرین حاکمیت لری و سیاسی دوروملاری آمئریکانین نوفوذونا مانع کیمی دورماقدادیر. البته بونادا گؤز توتماق یاخشی اولماز کی آمئریکا بو اولکه لرده دموکراسینی یایدیرماق اوچون ده چالیشیر چونکو بئله بیر استراتژیک بولگه ده دموکراسینین اولماسی باتی دونیا سینا چوخ نفعلی بیر مقامدیر. اورتا دوغو بیر سیرا عرب و آز غیرعرب اولکه لردن عیبارت اولور بو اولکه لرین ایقتیصادی دورومو تکجه اولکه لرینین نئفت و گاز یئرآلتی قایناقلارینا باغلی دیر بئله کی توم 22 عرب اولکه نین اولوسال قات اورتیمی نین گلری ایسپانیا اولکه سیندن آز اولور . همچینین بو اولکه لرده اولان توتالیتر حاکمیتلره خاطیر چوخلو سیاسی ناراضیلیق یارانیلیر. بونلارین هامیسی بو اولکه لردن باتی دونییاسینا موهاجیرتلرین و بعضا ده غیر قانونی موهاجیرتلرین چوخالماسینا سبب اولموشدور . و بو باتیلی اولکه لره هئچ یاخشی دئییل. بویوک اورتادوغو آدلانان تکلیف ده عرب گنج لرین 51% باتی اولکه لرینه موهاجیرت ائدیب وطنداشلیق آلماق ایسته ییرلر. بو اولکه لرین ایشسیزلیک سورونودا بیر طرفدن بو اولکه لره موهاجیرتین آرتیریلماسینا سبب اولور. آمئریکانین آماجی بولگه نین اولکه ارینده تورکییه رژیمی کیمی بیر رژیم لر قورماقدیر. بونون اوچون تورکییه حکومتیین بیر اولگو کیمی باشقا اورتادوغو اولکه لرین حاکمیتلرینه تقدیم ائتمک ایسته ییر. هر حالدا تورکییه بو اولکه لرله قونشو اولاراق طبیعی دیر کی اورتا دوغو اولایلاریندان ائتکیلنیر. دئیه بیله ریک کی تورکییه کیمی بیر مودرن و لائیک بیر حاکمیته البته کی اورتادوغو اولکه لرین دموکراسی یه اوغرامالاری و اونون آردی ایقتیصادیاتین گلیشمه سی بو اولکه اوچون یاراردیر. اما اورتا دوغو تکلیفی ائله بوردا قورتارمیر آمئریکا بو اولکه لرین سیاسی سینیرلارینده بیر دئییشیکلر یاراتماق نییتینده دیر. کوردوستان پست خبری دوشرگه بیر نئچه سوره بوندان اؤنجه بولگه نین اولکه لریندن بیر خریطه یایینلادی . بو خریته ده اولکه لرین سیاسی سینیرلاری گئنیش شکیلده دگیشیلمیشدیر. اما بو خریطه ده بیر یئنی اولکه اینسانی ماراقلاندیریر و او بویوک کوردوستان اولکه سیدیر. شکیلده موعین اولدوغو بولومه دیققت ائتسک بو یئنی اولکه نین نه قدر گئنیش میقیاسلیلیغی گوزه چارپاندیر نئجه اولور کی آمئریکا بو اولکه یه بو قدرماراق گوستریر؟!
بو سورغویا یانیت وئره جه ییک اما ایستردیک بو اولکه نین جغرافیاسین موختصر اینجه له یک.
بو اولکه بیر هلال کیمی سوریا نین دوغوسوندان باشلایاریق تورکییه نین دوغوسونون بویوک بولومون و گونئی آذربایجاندان بوتون باتی آذربایجان و تبریز شهرین و ایرانین باتی بولگه لرین عربیستانا قدر احاطه ائدن بیر اولکه دیر.
بیزیم بیر قوطبلو دونیامیزدا هئچ بیر حرکت تکجه ایچده اولان فعالیتلرله سونوج آلمیر بونو بیر کره بیر ایلکه کیمی اؤیرنملی ییک کی سیاسی حرکتده بو تک قوطبلو دونیادا نه قدر ایچده فعالیتیمیز گئنیش اولدوقجا او قدر ده دیشدا گوجلو و چالیشقان اولمالییق. ایندی بیزیم دؤنه میزده آمئریکا کیمی قددار و نوفوذلو اولکه نین یاردیمیندان یارارلانمایان هر بیر سیاسی حرکت گئج مقصده و یا دئمک اولارهئچ یئتیشمیر. بونون اوچونده بوتون اوغورلو سیاسی حرکت لرین اؤنجوللری آمئریکا و باتی اؤلکه لریله ایلیشکی قورماق ایسته ییرلر. کوزوو کیمی کیچیک اولکه نین باغیمسیزلیغا اوغراماسیندا آمئریکانین دسته یی آز اولمادی، گورجوستاندان آیریلان ایکی اولکه روسلارین گوجلری توسطو ایله باغیمسیز اولدولار. حال حاظیرده چین ده اولان تبت لر و دوغو تورکوستان تورکلرینین حرکتلری آمئریکادان سیاسی دستک آلماق اوچون اونا یاخینلاشماغا جهد گوستریرلر. البته بونلار بو دئمک دئییل کی اولوسوموزدان دؤنوب خاریجی گوجلردن بیزی مقصدلریمیزه یئتیرمک اوچون یاردیم ایسته یک. هر بیر اینسان بونو آنلامالیدیر کی اولوسدا اولان گوج هئچ بیر حاکمیت ده یوخدور و اولوس آیاقلانان چاغدا هئچ بیر شئی اونون اؤنونده دورابیلمز. آما هر بیر سیاسی حرکتده قاپساملی قالماق و دیشاری اولکه لرله ایلیشکی قورماماق و آمئریکا کیمی نوفوذلو اولکه دن اولوسلاری آراسی سیاسی مئیدانلاردا یارارلانماماق ایسته نیلن نتیجه الده اولونماز. و بو چاغداش دونیامیزین پرینسیبلریندندیر.
بیز گونئی آذربایجان میللی حرکتچیلری بونو یاخشی بیلمه لیییک کی آذربایجانیمیزین باتی بولگه سی یوخ بلکه گئج و احتییاط سیز دبرشسک بوتون وارلی و گؤزل آذربایجانیمیزی غصب ائتمگه چالیشانلار واردیر.
اونوتماماق لازیم دیر کی کورد لر هم حربی جهتدن و هم تشکیلاتی تجروبه لری جهتیندن بیز گونئی آذربایجان لی لاردان داها ایرلیده دیرلر. اونلارین آمئریکادا گئنیش تشکیلاتی فعالیتلری واردیر. و ان اؤنملی مسئله بودور کی آمئریکادا قات قات بیزدن گوجلو و گئنیش لابی لری واردیر.
باتی آذربایجان تورکییه ایله آذربایجان و تورک دونیاسینین کؤرپوسو
آذربایجان لی لار تاریخیمیزین باشا باشیندا همیشه تورکییه لی قارداشلارینا ساده جه بیر قونشو گوزو ایله یوخ بلکه بیر سویداش، دیلداش و نهایت بیر وطنداش کیمی باخیبلار. عثمانلی اوردوسو دفعه لرله آذربایجانین باتی شهرلرین ائرمنی تجاووزوندن قورتارمیشدیر وبو یولدا آذربایجان توپراغینا نئچه شهیدلر تقدیم ائتمیشدی. قوزئی آذربایجانیمیزین ایلک باغیمسیزلیغین تانییان و سیاسی ایقتیصادی جهتدن نه قدر یاردیمجی اولدوغونو دا قئید ائده بیله ریک . تکجه بونلارا ختم اولمور و بو ایکی اولکه نین قارداشلیغی اوچون دانیشماغا دوغرودان بیر کیتاب قدر یئر ایستر. بو حاقدا اطرافلی اوخوماق ایسته ینلری "عثمانلی آذربایجان موناسیبتلری" کیتابین اوخوماغی تکلیف ائدیریک.
باتی آذربایجان بؤلگه سی بیر کؤپرو کیمی آذربایجانی و تورکییه نی بیری بیرینه قوشمالاری اوچون اؤنملی بیر بؤلگه دیر. بو اؤزدن هم آذربایجان هم ده تورکییه نین میللی منافعلری گرکیر بو ایکی اولکه یه استراتژیکی اؤنمه مالیک اولان باتی آذربایجان بؤلگه سینه داها دیققت و ماراق گوسترسینلر.
بیز ساراب و اردبیل بولگه کمیته سی اولاراق اعلان ائدیریک کی آذربایجانیمیزین بوتون توپراقلارینا ایری باخان هر کیمسه نین قارشیسیندا دیره نیب توپراقلاریمیزین قاریش قاریشیندان مودافیعه ائده جه ییک.
آتاتورک دئمیشکن آنالار بیر چوخ ایگیدلر دوغارلار آما بوتون آنالار بیر قاریش توپراق دوغابیلمزلر.
http://diranish.org/farsi/index.php?option=com_content&task=view&id=551&Itemid=2
آذربایجان میللی دیرنیش تشکیلاتی اردبیل و ساراب بؤلگه کومیته سی
هیچ نظری موجود نیست:
ارسال یک نظر