شنبه، مرداد ۱۶، ۱۳۸۹

بيزيمكيلر تويدا كيتاب ساتديلار


اينانماسي چوخ زوردا اولسا ، اينانين. اورمو فعاللاري دونن گجه اسد آيينين اون بشينجي گجه سي(15مرداد)بير اورمولو فعالين حناگجه سينده كيتاب ساتديلار. بو توي تورنينده كي اورمونون اونده گدن آشيق لار، شاعيرلر و صنعت كارلاري كي آزه ربايجانيميزين مراغا ، ماكي ، زنگان و سالماس شهرلريندن قوناق لارين آغيرلاييرديلار ، موختليف مللي مارشلار ، ماهنيلار و رقص اورنك لرين نماييشه قويدولار و اوستاد هوشنگ جعفري  ، وطنيميزين ميللي شاعرينين گونش شعر دفتريني ساتيشا قويوب و اونلارجا نوسخه بو كيتابدان ساتديلار. بو مراسيمده اوستاد جعفري نين  حضورو واريدي و كيتابي آلانلار شوق و ذوقيله ، كيتابلارين اوستادين ايمضالاريلا مزين اتديلر.بله ليكله( بلكه ده دونيادا) بير توي مراسيمينده بيرينجي دفعه كيتاب ساتيليب و بير شاعير طرفيندن ايمضا لاندي . بو گوسترير كي ميللي اويانيش اوقدير خالق ايچينده رسوخ اديب و نفوذي آرتيب كي حركتيميزين اونون كسمك راحات بير شي دييل. اورمو شهري بير مدنيت اوجاقي اولاراق بو وسيله ايله بير كز داها گوسترديدي كي آزه ربايجان خالقي نه قدير مدنيت ليدير و اوز ديلينه ، عورف و عادتلرينه و ميللي انكيشافينا نه قدير ماراخليدير. تانريدان بو گنج ميللي فعال و عايله سينه خوشبختليق آرزيلاييب و تانريدان بو عايله يه جان ساغليقي و شادليق ديله ييرم . تانري سيزلرين سوبايلارينادا بله قيسمت لر آچسين.

۱ نظر:

arazbilgin گفت...

Sayın Urmulu Taymaz,
Lütfən postları mənim yeni email adresimə göndərirmisiniz:bilginaraz@yahoo.com öncəki emailim güya ittilaat tərəfindən gözaltında idi sildim və yenisini açdım.
Sayqılar