دونیانین قویروغو اوزوندو اوغلوم. بو آتالارسوزون منیم آنام هر زامان بیز اوشاق لارینا سویله ییب دیر، او زامان لارکی هر هانکی اوغور سوزلوقلا و یا آنی یوکسه لیشله قارشی قارشیا گلمیشیک. بو آنلامدا کی اوزو نی ایتیرمه و یا اومودسیزلیگه قاپانما ، چونکو دونیا و سرنوشتین اینسان اوغلونا نه گتیردیین تکجه تانری بیلر.
بو کیچیک موقه دیمه نی اواوزدن گتیریرم کی الیه بیلم قونویا گیرم. قیستا بیر دونم دیر کی الیمده اولمیان سببلردن اوتورو چوخ سودییم آنا وطنیم ، آیله م و دوسلاریمی ترک اتمه مجبوریه تینده قالیب و گونی آزه ربایجاندان دیشاری چیخمیشام. ایچه رینین وضعی معلوم دور ، مالی سیخینتیلار ، معنوی باسقیلار ، فارس شوونیسم فاشیسمین دالقا دالقا باسقیلاری بیر طرفدن و میلی حرکتیمیزین سون زامانداکی سیخینتیلاری هر کسه معلوم دور.
دیشاریدا دا وضع او قده ر ده فارقلی دییل . بوردادا بیر چوخ فعالیمیز آغیر وضعیت ده هم یاشام موجادیله سی و عاینی زاماندا ایران حاکمیه تینین قوردویو فاشیسم دوزه نه موجادیله ورمک له مشغولدولار. طبیعی کی هر یرده هرکسین بیلدیی کیمین فیکیر چاتیشماقسیزلیق لاریدا اولا بیلر. لاکین سکسن ایل فاشیسم حاکمیه تی و اوزللیک ده سون 32 ایل لمپنیسم و چوماق حاکمیه تی بللی ضربه لرده میلتیمیزین اخلاقیات و سوسیال دانیشما سینادا وورموش دور. بیزده هر هانگی بیر میلت کیمین دیکتاتورلوقون باسقیسی آلتا بیر چوخ دیه رلریمیز ی الدن وریب و یا ارته له مه مجبوریه تینده قالمیشیق. دیکتاتورلوق میلت اولاراق خالقیمیزین بعضی فرد لرینده به للی میقدار دا فورصت چیلیک ، تک یورومه سوداسی ، آننا شیلماماق ، غیر شفافیت و لمپنیسم کیمی غیر اخلاقی ایچ گودولری اویاندیر میش دیر. دیکتاتورلوق سیستمی اینسانلاری چالیشماقدان سویودوب و بیر بیر لریله موجادیله ده قووه لرینی توکنمه یه مجبور اتمیشدیر. بو آنلامدا اینسان ینی موحیط ده داها دا چوخ اوزونو یالنیز ، یتر سیز ، ساوونماسیز و گوجسوز حیس ائدیر. بوحیس لری دویوب و موجادیله دن واز گچمه ک ده گرچک دن باسقیچی چی و فاشیست یونه تیمین غایی آرزوسیدیر. آمما گتدیکجه موحیطه ایسیندیقجا و گت گده میلی حرکتیمیزین اویه و عضولریله قایناشدیقجا ، آزدا اولموش اولسا کلمه آننا میلا اینسان جنتلمن و خانیم افندی کیمسه لری گوروب و اومیدوارلیق حیسیسن اوزونده اویاندیقین گورور. دون گجه بیر داعوا داشیملا بیر لیک ده هچ گورمه دییم ، آمما چالیشمالارین اوزاق دان تعقیب اتدییم سابیقه لی بیر میللی فعالیمیزلا تانیشیب و کندیلرینه قوناق اولما شانسیم اولدو. بو بولوشما ، میلتیمیزین یته رینجه جنتلمن ، دونیا گوروشو چاغداش و ادبلی ارکانلی بیر میلت اولدوغوموزو منه بیر داها خاطیرلادی. منده بو فیکیر بیر داها اویاندی کی هر یرده و هر زامان ، هر هانگی بیر توپلوم و یا اولکه دن آسیلی اولمیاراق ، بیزلر بیر یره ییغیلیب ، بیر بایراق آلتیندا توپلانیب و جنتلمن بیر کیتله اولاشدیرما شانسینا صاحیبیز. . بو گوندن اعتیبارن من بیر داها اومودلو ، بیر داها سوینج دولو و ینی عزمیله گله جگه باخیرام . منجه بیز جنتلمن لر اوردوسون قوروب و بله لیکله فاشیسم و لمپنیزمه بایراق آچمالییق. بیز قدیم بیر میلتین فردلری اولاراق بو دوغرولتودا قدم آتمالییق . گله جک بیزیمیدیر ، بونو آننیاق ، ایناناق و گوزل ایستیقبالی یارادماق اوزره گوجلریمیزی بیر لشدیرک .
