ازسلسله مقالاتی که مهم بوده وبا مسدود شدن این وبلاگ در بلاگفا از دسترس خارج شد مقالاتی با عنوان به مناسبت 21 آزر بود که بار دیگر جهت استفاده علاقمندان مجددا انتشار داده میشود.همچنین نسخه پی دی اف این مقالات را می توانید از قسمت دانلود کنید همین وبلاگ در آرشیو خود ذخیره نمایید
21 آذر مناسيبتيله-محمد بي ریا
من ئولسم باخ بو اوراقه
تحسرله مني ياد ائت
توپور چرخ جفاكاره
معذّب روحومي شادائت
توپور چرخ جفاكاره
معذّب روحومي شادائت
محمد بي ريا
اصل آدي محمد باقير زاده؛ آمما بي ريا تخلص اتديينه گوره بي ريايه مشهور اولدي.1914 تبريز ده آنادان اولدي. سگگيز ياشيندا باكي يوليلا مشهده گدير آمما آناسي اورانين هاواسيلا راحاتلاميينجا ينيدن باكيا كوچميه مجبور اولورلار. آناسينين دونياسين دييشمه سينن سونرا تبريزه قاييديب ؛ گوليستان باغيندا بلدييه يه ايكي ايل بويوجا ايشلير. ريضا شاه دان سونرا تبريزده ادبيات صحيفه سين بيراخير.
محمد بي ريا جاوانليقدا
محمد بي ريا؛ ميرزه علي شبستري و اعتيمادي لا ؛ بيرگه جمعيت آذربايجان آدلي تشكيلاتي قورورلار.1321 ده تبريز ده خليل آذر (اينقيلاب) بيرينجي فهله لر ايتحاديه سين ؛ توده حيزبينين بونيه سينين اشيگينده تاسيس ادير و بو توده ايلرين مذاقينا هچ خوش گلمير.بو ايختيلافلار ؛ ان يوخاري سوييه چيخير و توده اي لر كي بي ريادا اونلاردان بيريدي؛ علي زاده آدلا بيريله بو تشكيلاتي اله گچيريرلر.
محمد بي ريا 1321ده باكيا گدير و صمد وورغون لا ؛ موختليف محفيللرده شيعر اوخومايا مشغول اولور.آمما شوروي مقاملارينان دوز دميينجه ايران كونسولو ؛ يارديميلا؛ بيرده تبريزه دونور. تبريزه دوندوكدن سونرا اردشير آوانايسان(توده حيزبينين باشچيسي) اونلا علاقه قورور و اوسته گتديي كيمي ؛ خليل آذرين تشكيلاتين اله گچيرمه يه ترغيب ادير.بله ليكله شاعير سياستين قورقونج درينليكلرينه انير.
قودرتلي نطقلري سايه سينده اله بير قدرته چاتير كي اوستاندار اوننان چكيلمه يه و يالتاقليق المه يه مجبور اولور.گتديكجه خالقدان آيريلير و كوچه بازاردا ايكي روس سالداتيلا گزمه يه باشلير. همده ئوز مخاليفلرين فهله لر ايتحاديه سينده موستاراحا سالديرير.ايش اورا چكير كي ينيدن ائولنير و تبريزين بويوك سرماياداري خويي خرجيله طنطنه لي بير توي ورير.
1323دن" بي ريا" نين فعاليت لري داها دا چوخالير.بير طرفدن شيمال نفت ايمتيازين روسلارا ورمه يه چاليشير و بير طرفدن مطبوعاتدا گنيش فعاليت گوسترير.
1324ده مرحوم پيشه وري كي ميللت وكيلي اولاراق شورا مجليسينه گتميشدي ؛ دوكتور مصدق ين چابالاري نتيجه سينده اعتيباري رد اولور و تبريزه گري دونورو آذربايجان دمقيرات فيرقه سين تشكيل ادير.21آذرده ميللي مجليس ؛ ميللي حكومتي ايعلان ادير و بي ريا معاريف وزيري سچيلير.
بو زامان بي ريا ادبيات معليمي اولاراق آذربايجان دانيشگاهيندا درس ورمه يه ده باشلير. بي ريانين خيدمت لريندن آناديلي كيتابلاري و تورك ديلينده گوندليك لر و درگيلرين چيخاتماسيدا ديقته لاييق دير.تهرانلا موذاكيره لرده بو دانيشيقلارين ان جيددي موخاليفلريندن بيري ؛ گينه محمد بي ريادي . آمما تعجوبله ايران اوردوسو آذزبايجانا سالديرماق ايستديينده گينه بو بي ريادي كي ساواشمماماق و تسليمه يانا قرار ورنلرين ايچينده. شاعيرين بو قرارسيز و نچه وجهيلي شخصييتي؛ فرقه نين داغيلماسي و شيمالي آذربايجانا كوچدوكدن سونرادا؛ الينه ايش ورير . دونكي توده اي؛ بو سفر كشكول گوتورور و عيرفانا ئوز گتيرير و هر جوما مسچيده گدير و ناسيوناليستي و مذهبي تشبثلر ادير. پيشه ورينين ئولوموندن سونرا كمونيستلرين غضبينه اوغراييب و 10 ايل حبسه چاتديريلير.سونرا ايللر بويي سورگونه گوندريلير. و تكجه ايستالينين ئولوموندن سونرا آزادليقا گووشور.هر حالدا 33ايل هيرمان و هيجراننان سونرا 66 ياشيندا ايران ايسلام اينقيلابيندان سونرا تبريزه دونور.بو زامان ايل ياريم اينقيلابدان گچميشدي و آيت الله شريعتمدار و حيزب خلق موسلمان گرگينليك لري آذربايجاندا ئوز ورمك ديدي. بو زامان شاعير تبريزه گلير آمما كيمسه بو آغ بيرچكلي ؛ سينيخ قوجا كيشيني خاطير لايا بيلمير.بو زامان حتي تبريزين ايفراطي له ري، ئوني جوما نامازينا سوخمورلار.
بله ليكله بير تراژدي، محمد بي ريانين عومري باشا چاتير. آنا ديلي هفته ليگي 16نجي ساييندا بله يازير : محمد بي رياني ئولدوردولر.
الحد داشينين ئوستونده بله يازير:
وورما ال تربتيمه؛ تربت آدم ده منم
نه او دنيا ؛نه بو دونيا؛ ايكي عالم ده منم
نيله ييم پي آپاران اولمادي بو وارليغيما
عيش و عشرت ده منم؛ محنت و ماتم ده منم
آراما قبريمي؛ آختارما منيم باش داشيمي
رسم ده نوح اسم ده خاتم ده منم
هیچ نظری موجود نیست:
ارسال یک نظر