دوزون خبر آلساز بو ايل هچ كفيم يرينده دييل. گچن ايل بوندان كفيم سازيدي وهر موناسيبته گوره بوردان ، اوردان گزينيب اوزومجه يازماقا لاييق بير شيلر تاپيب يازيرديم ، ساغ اولسونلار عزيز ناديده دوستلاريم آزه ربايجان سايت لارين دا آز به چوخ عكس اتديليرديلر. بو ايل نيسه ايقتيصادي دورومون چتينليگي ، آرتي سياسي دورومون پوزقونلوغو ، دونيادا اولان هچ ده خوش اولمويان حاديثه لر و حتي عايلوي سورونلار جانيمي يامان سيخيب دير. داها گچميشلر كيمي هه وه سيم قالماييب . آمما نجه اولسا دا اولسون بايرام گليب چاتيب دير. بو بيزيم ان بويوك بايراميميزدير ، باخمياراق كي بايراميميزي دا بيزدن چاليب لار. يونانيستانا گتميش اولساز اوردا گوررسينيز كي دولماني ميللي يه مه ك لري اولاراق قوناق لارا ايتحاف اديرلر. ارمني لرده هم يه مه ك لريميزي هم ده ساري گلين كيمين ماهني لاريميزي اوز كولتورلريندن قايناقلانان خزينه لر كيمين گوستريللر. فارس لاردا اوغوز بايراميميزي اوغورلاييب نوروز كيمي دونيايه گوسترمك ده ديلر. بيلميرم بو نلارا آغلامالييق يا گولمه لييك . هر حالدا دونيانين ان بويوك و قديم خالق لاريندان اولان بيز تورك لر طبيعي دير كي بله موضوعاتا راست گله بيلريك . طبيعته اويقون اولميان بودور كي بيز بيزليك دن چيخيب اوزگه اولماقا يانيشيريك . تاريخيميزي ، عنعنه ، رسم رسوملاريميزي اونوتموشوق. اوشاقلاريميزي اوزگه ديليله چاغيريريك و ان اوزوجوسو اوز ديليميزي غلط غوله ط و يالنيش ايفا اديب اوزگه ديلينه ن چيركين لشديريريك . بلكه منه ايراد توتاسيز كي بايرام آخشاميندا بو نه قارامساقليق دير بير آز اييم سه ل اول ، گوزل دانيش ، شنليك لردن ده ! نه دير بو آغزيميزين دادين قاچيران تيكراري سوزلر؟!چوخ حاقليسينيز . گره ك بو سوزلري دميه يديم . چوخ باغيشلايين ! آمما اول ده ددييم كيمين بو گونلر بير آز كف سيزم ، آغزيمي پيچاقدا آشمير. بلكه سيزلردن ده بعضي لري بو حيسيات دا اولسونلاراونلار مني ياخشي آنلارلار. بو اوزدن گچن ايل يازديقيم كيچيك بير يازيني جضورلارينيزا چاتديريب تانريميزدان هر كسه گوزل گونلر ، شنليك لر ، داماغ دادي ، امن امانليق و ساغليق ديله ييرم . ايل بايرامي هركسه موتلو اولسون.
ايل بايرامي عادتلري ونوروز سوفراسي
نوروز بايرامي سوفراسيندا جور به جور خوره لر ، چرز (آجيل) ، شيرنيات دوزولور . سمني ، گول چيچك ، گوزگو (آينا) ، سو ، قيزيل اشيالار قويولور . ائودكيلرين هر بيرينين آدينا شام يانديريلير . ايناما گوره نوروز بايرامي آخشاميندا هركس گرك اوز ائوينده اولسون . همده هامي درد- غمي اونودوب شن اوقاتلي اولماليديلار. اوندا آدامين گلجك ايلي اله بله اوتر.
سوفرايا قويولانلار هر بيريسي بير شيين سيمگه سيدير: گونش سیمگه سی: چیراق ، آی سیمگه سی: آینا،اولدوز سیمگه سی: دمیر پول،گؤی سیمگه سی: سو، یئر سیمگه سی: سمنی، دنیز سیمگه سی: بالیق، آغاج سیمگه سی: آلما، ایرده، حئیوان سیمگه سی: یومورتا
قرآن، ساعت، گول، گولاب، سرکه، سوماق، ساریمساق و ... سونرالار آرتیریلیب!
هركس تزه پالتار گييب بير بيرينين ائوينه گوروشه گدرلر . بويوك لر چيچيكلره بايرامليق وررلر. هركس بير بيرينه هديه لر ورر. نوروز بايراميندا كين – كدورت اونوتولماليدي . هچ كس گرك بير بيريله كوسولو قالماسين . نوروز بايرامي ياددا بوللوق ، خيري بركت ، خير خاهليق و گوزلليك كيمي قالير.
