انا لله و انا اليه الراجعون
خبر دار اولدوق سايين جاواد بي اسماعيل بيلي آناسين ايتيريب دير.آنا كيمين وارليق قيمت لي اولدوقونا گوره ساده جه بير كز و بير دانه اينسانلارا ايتحاف اولونور. آنا و آتا ني ايتيرديگدن سونرا هچ بير وارليق يريني توتابيلمير. بو بويوك ضايعه ني جاواد بي دوستوموزا تسليت دييب او مرحومه نين گوناه لاري باغيشلانسين ديه دوعا اديب و قالان لارا باش ساغ ليقي ديله ييريك .
آنا سنسیز داریخیرام
سنی گؤرمه یه اؤلمک ایستیرم
اوشاقلیقا من دؤنمک ایستیرم
یئنه آنامی اؤپمک ایستیرم
هر گون سحرلر داراق اَلیمده
اُو ساچلارینی هؤرمک ایستیرم
تئل گوللرینی باشینا بیر بیر
ساغا سولا من دوزمک ایستیرم
محبت لی او ناز قوجاغیندا
بالیق تکین من اوزمک ایستیرم
یاپیش الیمدن گئداق دؤلاناق
یالنیز سنیلن گزمک ایستیرم
منه دوموش توت قوی آغزیما سن
سنین الیندن یئمک ایستیرم
منیم آغریما سن آغلاییردین
گؤز یاشلارینی سیلمک ایستیرم
اوشاقلیقدا من دییه بیلمه دیم
«سنی سئویرم» دئمک ایستیرم
گؤزلریم یولدا هاردا قالمیسان ؟
سنی آنا جان گؤرمک ایستیرم
سنسیز آی آنا گولمور ئورگیم
تکجه سنینله گولمک ایستیرم
داریخیرام من غریب دونیادا
سنین یانینا گلمک ایستیرم
آللاه شاهیددی آی گوزل آنا
سنی گؤرمه یه اؤلمک ایستیرم
شاعير:وحيد شكرزاده
هیچ نظری موجود نیست:
ارسال یک نظر