بلي بوگون چارشمبه بهمنين 27نجي گونو مظلوم اهالي نين ايهمالا قوربان گتديك لري او قورخونج اولوملو اوچاق قضاسينين قيرخينجي گونودور. او طالعسيز گونده هموطنلريميز مظلومجاسينا جان ورديلر. يول و ترانسفر باخاني ميلت وكيللري طرفيندن سورقويا آليندا ، آمما باخان حتي مجليس ده اولما نزاكتين ده بولونمادي. رييس جمهوردا بله بير نزاكت گوسترمه دي . سانكي بيزيم هموطن لريميز اولومه محكوم موشلار. مجليس، سورومسوز باخاني ايشدن آلدي ، آمما رييس جمهور اينسانلارا عيناده اونو آليب دانيشمان لاري اوردوسونا داخيل ائديب و ينيدن كابينه يه سوخدو. مملكتين اوست اوزي دين آدامي و بيريمجي مقام دا اولانلارا حتي بير تعزيه مساژيدا ورمه دي. بو مو اينسانليق گوروي ؟ بو مو وطن سورليك ؟ بو مو مملكت دارليق ؟
بو گون چيخيب شهري گزيندييمده سايسيز حساب سيز تعزيه و ياس توره ن مراسيملرينين ايعلان لاري دووارلاري سوواميشدي. اينسانين قلبي سيخيلماسين نه اتسين ؟ بو آرادا بير آيله نين ايشي داها دا زور ، داهادا وخيم ، داهادا ايچ آجيسي گورونوردو. سايين گشاده فيكر آييله سي بلكه ده قوربان گدنلرين ان آجيلي اويه سيديلر. جناب گشاده فيكر بير آن دا هم گنج خانمين ، هم قاين آناسين ، هم آناسين ،همده ايكي پريل پريل دونيا گوزلي ايكي قيزين ايتيرميشدير. اونون او معصوم گوزل ايكي كيچگي " سوين و آيلين "بيري كورپه اوبيري مظلوم كوچوك بير فيدان . گرچك دن بيز بو كدرلي طالع سيز آتانين يرينه اوزوموزي قويا بيلرمييز؟ مملكتين هله بيرينجي سيرادا سوروملولارينين هر هانگيسينين باشينا بله بير اولاي گلسيدي بو قدر راحات و هچ بير شي اولماميشجاسينا داورانا بيلر ميديلر ؟ بو گون بير تانيديقدان جناب گشاده فيكرين احوالين سوردوم . بيليرسينيز نه جواب وردي ؟ جواب وردي كي تانري دوشمانينين دا باشينا گتيرمه سين ! آدام هر گون بير ايل ياشلانيب . به لي بوكولوب . جاوان آدام مه ييته دونوب . قيرخ گونده قيرخ ايل قوجاليب ! من بير شي دييرم سيز بير شي اشيديرسينيز! اينسان نه دسين ؟ نه سويله سين ده اوره گي سووسون ! الدن بير شي گلمير تانري هركسه گوج ورسين كي بوكدرين آلتيندان قالخسين . آللاه سوروملو مقاملارادا اينصاف ورسين !تانري باعيثينه نهلت اتسين !
بيز نه دييه ك عزيز هموطن لر ؟! بيزيمده اليميزدن بير شي گلمير! منده اوز نوبمده رببيمدن ايستييرم بير داها خالقيميزا قادا بلا گوسترمه سين . آمين .
هیچ نظری موجود نیست:
ارسال یک نظر