اورمونون دنیزی وار ، دنیزینده قان ایزی وار قیزلارین آلنیندا قاراباغین بن ایزی وار
بوگون ایران پارلمانی اورمو میلت وکیل لرینین ایکی فوریت لی طرحینه رای ورمه ییب و رسمن اورمو گولونون احیاء اومید لرین برباد اتدیلر. بو طرح ده فوریت له اورمو گولونون احیا سی اوچون سو انتقالی اونه ریلیب و بیر میلیارد دولار بودجه نظرده آلینمیشدی . بو طرحین موخالیف لری بو اونه ریلری ، یر سیز بیلیب و بیر منطقه نی آباد اله ییب ایرانین اوبور منطقه لرین ویران اتمک ساییب لار.
آصلیندا من هچ شاشیزمادیم و بونو دا بکلیردیم . ایران حاکمییتی( و فارس شوونیسم دوشونجه سی) تورکلری دیده رگین سالیب و فارس کولتورونون اگه مه ن اولدوغو بولگه لره گونده ریلمه لرین ایسته ییر. زامان ایچینده بولگه نی تورک اتنیکیندن آریندیریب و توپراقلارین اله گچیرمه ک ایسته ییرلر. بیزیم خالقیمیز، گونده لیک مسئله لرله او قه در مشغولدورکی پروبلمین نه قه در وهیم اولدوقون آنلامیر. اونلار بیلمیرلر کی داها یاواش یاواش او گوزه لیم اورمو باغلاری ، دره لر تپه لر ، چایلاقلار ، تاریم لار و یم یشیل چیمه ن لیک لر ، اورموگولو کیمین تاریخ اولاجاقدیر. اورمودان خویا گتمه نین هچ آنلامی قالمیا جاق ، کیمسه توی توتمویاجاق ، کیمسه نیده تویا چاغیرسالار گلمیه جک . قانیمیزا سوسامیش دوشمان سون فیشنگین سیخیب . میللتیمیز اولومه محکوم اولوب دور. اینانین بونلار موبالیغه دییل . بونلار گرچک دیر. اورمو و بوتون آزه ربایجان میلت وکیل لری و دولت دایره سینده ایشله ین رییس لر و مامورلار بیلسین لرکی چوخ چکمز جلای وطن اتمه لیدیلر. اوزلرین و میلت لرین اوجوز ساتیب ائو ، دوکان ، موستغیلات و باغ باغچا آلانلاردا ، آلدیقلارین ایرانین اوبور یرلرینه داشییا بیلمه یه جک لر . حتی نظامی ، انتظامی مامورلار و اطلاعات مامورلاریدا بیلسینلر اله اولاردا سیرایلا بو سون فیشنگین آجیسین اوز جانلاریندا حیس ائده جک لر. داهی کیمسه قالمیا جاق اونلار کسیب بیچسینلر.
بو گون رسمی اولاراق فارس حاکمیتی و فارس دوشونجه سی آزه ربایجان خالقینی سورگونه گوندریر. یاتانلار اویانمالیدیلار . اوشاقلارینی فارسجا دانیشدیرانلار ، ایرانی وطن بیله نلر ، ایرانا بل باغلیانلار و اومید بسله یه نلر بیلسینلر کی دوغرو یولدا آدیم آتمیرلار بو یولون سونو فارسیستان شهرلرینین دیبین ده کاسیب محلله لرین بیجاقیندا سولوب اولمکدیر. یازیقلار اولسون بیزلره کی بله دویارسیز سس سیز سمیر سیز اوتوروب سونوموزون گلمه سین بکله ییریک . اورمو میلت وکیل لری اوز تاریخی وظیفه لرین انجام وریب و بوتون عالم و آدمه گوسته ردیلر کی ایران ، آه زربایجانین قتلینه فرمان وریب. اینان ماییرسینیز صاباح دان رادیولار و تلوزیون لار و موختلیف اینترنت سایتلارینا باخین اگر فارس لار طرفیندن ( منظوروم اونلارین ایراندا و خاریشده اولان حیزبلر و مدیالاری ) رسمی و کسگین بیر توتوم توتسالار و اورمو گولونون احیاسین ایسته سه لر، داها من قلم الیمه آلمیاجاقام . گورون بیر آن اوز اوجوز گونده لیک لریندن ال چکیب بیزیم حیات و مه مات مسئله میزه اونم گوسترسه لر سیز هر نه ده سه ز من اونو ائدیم ! آمما تاسوف کی اتمیه جک لر و اوز اوره ک لرین ده بیزیم یوخ اولوب سیلینمه میزه سوینه جک لر. دوشمان سون فیشنگینده آتدی . آر اولسون یاتانلارا.عزیز هم وطن لر زامان گه ریه دونمه یه جک . گه لین اگر بیر ایش گورمه ک ایسته ییر سیز اله بوگون ائدین . یارین گه ج اولاجاق دیر !
اورمولو تایماز-27 مرداد 1390
هیچ نظری موجود نیست:
ارسال یک نظر