سالام لار و سایقیلار عزیز هم وطن لر
من اورمو لو تایماز
بوگون دن اعتبارن من ده دیگر گوناز رادیو چالیشانلاریلا بیر گه خیدمتینیزدیم . اینترنت له تانیشیب ایستیفاده ائدنلر بیلیرلر کی آرتیق بیر نچه ایلدیر اورمو آزربایجانین قلبیدیر وبلوگو واسیطه سیله چالیشمیشام ادبیات ، کولتور و تاریخ ساحه سینده بیلگی و نوقطه نظرلریمی هم وطن لریمله پایلاشام ، بو یولدا چوخلی سایت لار او جومله دن اویرنجی ، تبریز سسی ، جنوبی آزربایجان تلویزیونو( گوناز تی وی) ،گوناز رادیو، گوناز پورت ، سانا نیوز ، قورتولوش ، میللی حرکت ، دمکراسی اجاقی و بیر چوخ سایت لار و بلوگ لار منه یاردیمجی اولوبلار تا دوشونجه لریمی سیزلز له پایلاشام کی تک به ته کین دن تشکر ائدیرم. منجه تاریخ بیر ناغیل کیمی شیرین اولدوقونا رغمن ، گلجه ییمیزین آیدین لاییجی چیراغی دیر. ادبیات ، تاریخ و تاریخین سیرین بیلمه دن گونوموزون سیاسی ، ایشتیمایی ، فرهنگی و حتی اقتصادی اولایلارین چوزوب ، دقیق و عینی حالدا علمی و بیلیم سل تحلیلین یاپا بیلمه ریک . چوخ دیرلی یونه تیجیله ریمیز جنوبی آزربایجانین رادیو و تلویزیونوندا ، او جومله دن جناب اوبالی و جاواد بی اسماعیللی و عزیز دوستلاریم جنابلار بهروز لیسانلی و سیامک بابانژاد رادیودا بو گونه کیمین بو میسیونو یورودوبلر و گوزل چالیشمالار یاپیبلار کی تقدیره شایان دیر. بو گون دن اعتیبارن منده بو مجموعه نین بیر امک داشی اولاراق سیزین خیدمتینیزده یم . آپاردیقیم پروقراملاردا ، اله بو دوغرولتودا اولاجاق و تاریخ ، ادبیات ، میلی و تاریخی شخصیت لر، حکیم لر و خصوصن باتی آزربایجانا یونه لیک پروگراملار حاضیرلایاجاقام . لوطفا اوز نوقطه نظرلرینیزی منیمله پایلاشین . بو منظورا، الیه بیله رسینیز دیرک اورمو آزه ربایجانین قلبیدیر وب لوگونا و یا urmulutaymaz@gmail.com و یا leysan_eloglu@yahoo.com و یا گوناز رادیو نون فیس بوک صفحه سینه باش ووراسینیز.سیزین یولونوزو ماراخلا گوزله ییرم.رادیوموزون فرکانسی بوندان عیبارت دیر: قیستا دالقا;SW)7610KH)باند 41
من اورمولو تایماز، من سیزینله یم ،سیزده منیم له اولون
هیچ نظری موجود نیست:
ارسال یک نظر