چوخ ديه رلي اوخوجولار و جان يولداشلار، اينديليك بوتون مدني و غير دولتي تشكيلاتلار ين يوخلوغوندا اله جه ده گوندليك و راديو تلوزيون لاريميزدان جنوبي آزه ربايجاندا يوخسون و محروم اولدوقوموزدان اوتورو مجبورن مجازي دونيايا سيغينيب و وب سيته لر واسيطه سيله سسيزيميزي دويوتماقا چاليشيريق. منده صيرف اوزومو ايفا اتديگيم اوچون و سسيمي اوبورو وطن داشلاريمين قولاغينا چاتديرماق اوچون 1388گونش ايلينين مورداد آيينين 15نجي گونونده بلاگ فا دا اورمولو آزه ربايجانين قلبيدير وب لاگين آچيب و اوزومه اوزگو يازيلار و مطلب لرله گونون اولايلاري و موناسيبتلري و ماراخلي اولدوغوم قونولاردا بير پارا چاليشمالاريمي سوندوم و نه موتلو منه كي قيستا بير زاماندا چوخلو وطن داشلاريمين ماراقين و به يه نيسين توپليا بيلديم .
همين ايلين ايسفند آييندا بير سيرا سايبري حمله لردن اوتورو و بو قورخويلا كي بو بلاگ مسدود اولا بيلر ، بلاگره گچيب و اوردا عيني آددا چاليشماقا باشلاديم .
(http://www.urmulutaymaz.blogspot.com)
چوخ تاسف كي گچن آي بو بلاگ فيلتر اولوندو. بو اوزدن يني بير وب سيته آچيب و بوندان سونرا قارا قاشقا وب لاگيلا يازماغا چاليشاجاقام . قاراقاشقا بويوك سرداريميز بابكين آتيدير. قاراقاشقا يه هرله نيب و منيم سوز و دوشونجه لريمي و ماراقلي اولدوغوم قونولاردا ديگر عزيز لرين سوز ، مقاله ، رپورتاژ و رسيم لرين سيزه چاتديراجاقدير. اوميديم وار منه بو يولدا يارديمجي اولاسيز . لوطفن يني عينوانيمي ماراقلي اولان هركسه چاتديرين.
اورمولو تايماز – 9/9/89
