اسن یئلدن خبر توتوم اوروم احوال و حالیندان
كی شور اولموش بتون ائللر او سئوگلی خيالیندان
نسيم جننتین خوشدور دولور شربت كيمی جانا
آخير بال چشمه لر نهری اوجا داغلار محالیندان
صفالی خاطرات اولموش مثال باده دير عطرین
قلملر هم اوره ك سؤيلر نگؤ ر وصف جمالیندان
خبرتوتدوم اسن يئلدن نشان بولدوم قيزيل گولدن
عجب شور ائله ير بولبول مئی ناب وصالیندان
نشاط عشقی سن سورسان او ثبت اولدوخيالیمدا
نگؤر مسحور اولوب گؤزلر او زينتلی كمالیندان
اگر ال وئرمه یير وصلت کدردیر سانکی بوحسرت
خبرسيز قالماير كؤنلوم سورور هرگون روالیندان
اوزوملو باغلارين بهری کی ثروتدير او درياچه ن
اسن يئللر و هم داغلار كی سحر اولدو جلالیندان
نگؤر مشهور عالم دير جمالین بو گؤزلليكلر
گؤزللرعشوه سی خوشدوركی لطف اولسا مجالیندان
لطيف جوشموش اگرعشقین نگورتوفان ائدیرکؤنلون
او سئودالی وطن بيلمیر بو گرداب وبالیندان
هیچ نظری موجود نیست:
ارسال یک نظر