عزيز دوستوم ائلمان توران بير سورو وريب بو عينواندا كي ندن حنا گجه ده دامادين آتاسينين شالوارينين ساغ اياغين قتديلر؟
عزيز دوست و ديگر ماراخلي اوخويوجولارا دمه لييم كي فولكلوري آنناماق اوچون گرك بير آز بو گونوموزدن گريه قاييديب و نظرده اولان مراسيمين باشلانيش چاغلار ينا دونك. بيلديينيز كيمين آزه ربايجان مدنيت و اويغارليقي چوخ اسكي زامانلاردان باشلانيلر. قديم زامانلار اينسانلار طبيعتدن آسيلي اولاراق توي كيمي مراسيملرين زامانين بليرلرميشلر ، بو آننامداكي باهار ، ياي و پاييزين ايلك آيلاري اكين ، بيچيم و محصولي گوتورمك زاماني و گريه قالان گونلر توي ، استيراحت و دينجلمك زامانيدي. بو اوزدن تويو اولان آييله لر ، ديگر آييله لر كيمين ايلك اونجه ائولرينين ينيدن اوناريلماسيلا سويوق آيلارين ايستيقبالينه گدرديلر. ايلك اونجه پاچالاري سيواييب و سوواق توتوب دام ، دووار و پاجالاري سوواييب و ائوي قوناقلارين گلمه سينه آماده ادرديلر. بونا گوره حنا گجه مراسيمينده بي و امر بي معلوم اولاندان سونرا بي ، دامادين آتاسين چاغيرار و مراسيم داماد و دامادين آتاسينين قوناقلارا خوش گلدين دديك دن سونرا توي مراسيمي رسمي صورتده باشلار ،سونرا بي يا حنا گجه مراسيمينين آپاريجيسي ، امر بي دن ايستر دامادين آتاسينين ساغ اياغين قتده سين . بو عمل بير تمثيل دير بو معنادا كي داماد آتاسي نجه اياخلاري قتدييب و سوواخ توتوب ، ائوي قوناقلارا خوشا گلير بيچيمده آماده اتديسه بو گونده حاضيردير مراسيمده ايشتيراك ادنلرين هر جوره خاهيش و ايستك لرين يرينه گتيرسين تا قوناقلاربو تويدا ايلنيب و خوش زامان صرف اتسينلر. بله ليكله ايلك رقص اوغلانين آتاسينين ايفاسيندا انجام تاپار تا اوبيري آيله فردلري ، دوستلار و قوناقلار ايجازه تاپسينلار رقص ائديب و خوش لوق و ريضايت لرين بو دويون دن گوسترسينلر.
هیچ نظری موجود نیست:
ارسال یک نظر
سلام نظرات شما در هرچه بهتر كردن مطالب مفيد خواهد بود. اين يك وبلاگ مستند به آراي علمي است لطف از بكار بردن كلمات توهين آميز اجتناب كنيد.